طوق النجاة
مد أيدك ويا أيدي
نديها طوق النجاة
مد أيدك ويا أيدي
نبني جواها الحياة
يا أخويا قوم وشارك
قوم وفكر قوم وعبر
قوم وعلم أبني وأبنك
أننا بناة الحضارة
أننا مهد الحياة
أن جدوده بعلمهم
نوروا عصور الظلام
أنهم كانوا الفارابي بفلسفته وموسيقته
ولا الأدريسي بعلمه ولا رسمه لخريطته
ولا أبن سينا وطبه ولا الزهراوي وجراحته
ولا كان الجاحظ لما كان عن الحيوان موسوعته
ولا أبن الهيثم لما كانت البصريات دراسته
ولا الجبر لما الخوارزمي بأيده خطه
دلوقتي بقينا عالة
عايشين في الدنيا كماله
علي المعونه والفتات
من يوم ما جه أبويا
وقطع كتاب أخويا
وقال بلا تعليم بلا هباب
لما نسي أن العَلاَم
هو اللي فيه الأمان
هو اللي فيه السلام
هو اللي فيه الأمل
اللي مبني علي العمل
حقيقي أحنا اللي منا البرادعي ويعقوب ومشرفه
وأحنا اللي منا زويل
ولسه عايشين عاله
ولسه حالنا دا حاله
عاوزين مليون زويل
عاوزين مليون أمل
عاوزين علم وعمل
فمد أيدك ويا أيدي
نديها طوق النجاة
مد أيدك ويا أيدي
بني جواها الحياة
بقلم
حامد المسلمي
ليست هناك تعليقات:
إرسال تعليق