شعارات
شعارات .... شعارات
دي بلدنا بلد شعارات
دا جاي يقول وبكل حماس
أنا ناوي أعمل
يرد يقول لأ ... مش هتقدر
ممكن أنجح
لأ ... مش هتقدر
أنا لازم أغير
دا لا يمكن يحصل
ويرد عليه برضه بشعارات
يا ببلطجه يا بخناقات

كنا تلاته
قلنا هنعمل حاجه لبكرة
قاموا علينا كتير وكتير
بالتيأيس مع التخويف
بكلمتين ولا يمكن تقدر
صاب الأول فينا أحباط
خلاني أحس أنها شعارات

دا هما ياناس كانوا كتير
حاولوا معانا بالتنكير...... بالتحقير
ولما ما كنش منها فايدة
حاولوا معانا بالتهويل .....بالتنكيل
بالبلطجة..... وكمان تقتيل
راح التاني ياناس قدامي
خلي العقل يادنيا يطير

قالوا عليا كتير وكتير
قالوا عليا ياناس مجنون
وبالغرب ياناس مهووس
طول الليل قاعد بسّكر
وكنت زمان كمان محبوس
بس أنا لسه بقدر أطير
وحلمي كان في قلبي كبير
إن يكون هنا تغيير
وتنمية وكمان تطوير

قاموا يقتلوا حلم الجيل
فجاءة لقوا الحلم كبير
وممكن يطلع صوت الآه
والتعتيم بقي أمر خطير
أو عملتنا تبان في عنينا
تقلب فجاءة الدنيا علينا
ودي حاجه مانتحملهاش

طب فين الحل السلمي بتاعنا ؟
والأونطة !
فين الشعارات فين الشعرا ؟
فين كلامنا فين المواويل ؟
ووعدنا ببلد خضرا
ودا شعب طيب وأصيل
وشغلوا ناسنا بين الناس
بكلمة واحدة وعصا سحرية
اللي في يوم بقي عرفناه
أحسن من اللي ما نعرفهوش!

كلمات
حامد المسلمي
H_sinarest_2010@yahoo.com