ملامحك
حاولت أعرف لون عيونك
ولا السحر اللي في جفونك
ولا أرسم صورة لملامحك
فجأة لقيتني وقعت في حيرة
وأنا برسم لوحتي الجميلة
دي حبيبتي ولا دا القمر
أرسم وردة في بستان
ولا أرسم جمال فتان
ولا أرسم سحر العيون
دا بياخد قلبي الولهان
أرسم براءة الصباح
ولا نشاط العصاري
ولا بسمة السماح
ولا سحر الليالي
ولا أرسم صورة للقمر
بلبل يغرد ع الشجر
صورة حبيبتي اللي في عينيه
دي أجمل من كل البشر
كلمات
حامد المسلمي
إبريل 2006
ليست هناك تعليقات:
إرسال تعليق