الطابور أو الخابور
أنه الحل السحري لكل مشاكل المصريين
الحل السحري أن تقف مصر كلها في طابور ونبدأ بالعد التنازلي ونبدأ أيضاً بحرق أنفسنا
وطبعاً الحكومة هتقول علينا مجانين ومساطيل ومحششين وكل حاجه
بس أحنا بقي المرة دي اللي هنعمل ودن من طين والتانية برضه من طين عشان القمح طلع مغشوش ومفيش عجين نعمله ونولع في نفسنا واحد ورا التاني لحد الحكومة يا تستجيب وتغور في ستمايه وستين داهية يأما الشعب الغلبان كله هيولع وكده أحنا هنبقي كسبنا أننا لأول مره نتجمع علي شئ حتي ولو كان الطابور
أما حكومتنا فهتبقي خدت الخابور الكبير لما تصحي الصبح وماتلاقيش شعب تحكمه وانا أتوقع أنهم هيموتوا بعد كده من الزهق وأنهم مش لاقيين شعب ينكدوا عليه وممكن يتجننوا زي السويسريين ويولعوا في نفسهم لما مايلاقوش حاجه يعملوها
وبرضه هيبقوا خدوا خابور
لأنهم مش هيعرفوا يموتوا في طابور زيينا
كل واحد منهم هيزهق ويموت فرداني
سنجلاوي مشوي بالجبنة
by Hamed Elmeslamy on Thursday, January 20, 2011 at 1:04am
ليست هناك تعليقات:
إرسال تعليق