أنا علمي أخضر وجميل
أنا علمي أخضر وجميل
ولا في وسط العَلْم واقف
حُصان أبيض
كان زمان راكبه فارس
خرج في يوم الفارس ثاير ( ثائر )
وسط أصحابه يمين وشمال
خرج في وش الطاغي يقوله
أنا مش كرسي ولا دوار
ربي خلقني كائن حر
وما علِمتُ غيره رب
فلما نرضي بظُلم العبد
ونذل لغير الله .
فوربي لموتي شهيد
خيرٌ من عشتي عبد
أُورث كا قطعة أرض
فهُبوا يا حُماة الأرض
بالفأس أمام الكرباج
بالفأس أمام الكرباج
كلمات
( حامد المسلمي)
فلاح مصري
حلق حوش
ربنا كرمني يوم الإنتخابات وأنتخبت وكنت عضو زي كتير من أعضاء جمعيات المجتمع المدني اللي راقبوا علي الإنتخابات وخير اللهم أجعله خير بينما أنا واقف من بعيد أراقب المنطقة علي حذر ومتوجس خيفة فرأيتهم قد دخلوا إلي المدرسة وسألوني عن نزيهة وشريفة وشفافة ولما قلتله دول جوه اللجنه قام زقني وقالي طيب وسع من هنا فسألت عليهم فواحد قالي دول بلطجية ولاقيتهم دخلوا إلي اللجان بالسلاح وخدوا نزيهة وشريفة وشفافة تحت تهديد السلاح واللي كان بيعترضهم يدوا له حبة فلوس خلو ذمة يعني وكمان عشان يغمض عينيه ولا من شاف ولا من دري
ولما حاولت أمنعهم كانت حكاية كبيرة قوي كنت هموت يا ولداه وولاد الحلال قلولي ماتقفش في وشهم دلوقتي دول ناس شرانيين وعندهم أوامر وقابضين عشان ياخدوهم فضلت أزعق وأنادي وأستغيث ألحقوني ياحكومة ياحكومة
لكن لا حياة لمن تنادي الحكومة كانت بتاكل ومش فاضية ليه بس بصراحة كانوا مديني ظهرهم عشان لو حد سألهم يقولوا ماشفناش حاجه ونزيهة وشريفة وشفافة فضلوا موجودين جوا اللجان لحد اللحظه الأخيرة.
ولما الحكومة عملت ودن من طين والتانية من عجين طلعت الشارع وقلت
حلق ...... حوش
حلق يا جدع ...... حوش يا عم .......... أمسك يا كابتن
ما تساعدينا ياشاطرة ........... أنتي يا أنسة أيوه أنتي
طيب سوطي يا حاجه .......... دول واخدينهم كده من وسطنا عيني عينك
أيه معدش فيه حيه معدش خِشه الناس جرالها أيه يا أباه
حد يرد عليا يا ناس
أنتم مش شايفين بيعملوا أيه دا بيتحرش بشريفة
يا ناس ودا بيقطع في نزيهة يالهوي أيه دا مش قدام الناس يا أخوانا حد يحوشهم يا ناس سيب شفافة يالاه
وفضلت أهاتي لواحدي وأكتر حاجه كانت تعباني أني شفت دمعة نازله من عينيهم وأنا متكتف ومفيش أي حد ساعدني وفضلت يومين كاملين صورة نزيهة وشفافة وشريفة وهما بيدمعوا كانت هتموتني ولما قررت أني أخرج من عزلتي بفتح التلفزيون لاقيت مسئول كبير بيقول أن نزيهة وشريفة وشفافة تمام ومحدش قرب لهم خالص وأنهم فضلوا صاغ سليم لحد ما راحوا لبيت عدلهم
وعقلي كان هيشت فكلمت واحد صاحبي أسأله عن اللي حصل دا حقيقة ولا أنا بحلم رد عليا رد غريب قالي أنت أول مرة تشوف كده
فلما قلت أه
قاللي بس كل الناس هنا متعودين علي دا وكل يوم بيتخطف من قدامهم شريفة ونزيهة وامينة كمان ولا حد بيتحركله ساكن والكل بيعمل نفسه مش شايف
أنه الحل السحري لكل مشاكل المصريين
الحل السحري أن تقف مصر كلها في طابور ونبدأ بالعد التنازلي ونبدأ أيضاً بحرق أنفسنا
وطبعاً الحكومة هتقول علينا مجانين ومساطيل ومحششين وكل حاجه
بس أحنا بقي المرة دي اللي هنعمل ودن من طين والتانية برضه من طين عشان القمح طلع مغشوش ومفيش عجين نعمله ونولع في نفسنا واحد ورا التاني لحد الحكومة يا تستجيب وتغور في ستمايه وستين داهية يأما الشعب الغلبان كله هيولع وكده أحنا هنبقي كسبنا أننا لأول مره نتجمع علي شئ حتي ولو كان الطابور
أما حكومتنا فهتبقي خدت الخابور الكبير لما تصحي الصبح وماتلاقيش شعب تحكمه وانا أتوقع أنهم هيموتوا بعد كده من الزهق وأنهم مش لاقيين شعب ينكدوا عليه وممكن يتجننوا زي السويسريين ويولعوا في نفسهم لما مايلاقوش حاجه يعملوها
وبرضه هيبقوا خدوا خابور
لأنهم مش هيعرفوا يموتوا في طابور زيينا
كل واحد منهم هيزهق ويموت فرداني
سنجلاوي مشوي بالجبنة
by Hamed Elmeslamy on Thursday, January 20, 2011 at 1:04amرسالة من منتحر
لكي مني أسفاً
يا من قلتُ عنكي يوماً
أنك أمي .....
آ أمي هي من تتركني ؟
أنمو وحيداً تحت الفقر
بخلت حتي أن تُرضيعني
وتعلمني كيف أحبو
كيف أكبر
كيف أقوي
كيف أعيش كي أبقي
فتعبتُ كثيراً ومرضتُ
كي أتعلم أن أكل أو أحبو
تركتني وحيداً للدنيا
لم تسمعني أناجيها
لم تسمعني وانا ابكي
لم تنظر إلي كل آلامي
لم تتركني ان أشكو
فكرتُ أن أنافقها
لعلها يوماً تكافئني
بنظرة عطفٍ أو تحنو
فوجدتُ عيونٌ معصوبة
وأذانٌ مسدودة
خلف الأبواب الموصودة
خلف الأسوار
خلف الحراس
ووقفتُ وحيداً أترجي
ووقفتُ وحيداً أتذلل
أن تلتفتُ إليا يوماً
لم تفعل
لم تفعل
وخرجتُ أمام مسجدنا
وجلستُ أمامه أتسول
فوجدت أمام باب المسجد
80مليون متسول
فمر فقيرٌ متيسر
وألقي بكيسٍ متهلهل
وأنقض عليه من حولي
فتشاجرنا علي كسرة خبز
وحصلتُ عليها من أفقر
من أضعف مني
حتي كدتٌ أن أقتل
وكسرت باب مسجدنا
لأسرق منه كي آكل
وسرقت مكبر الصوت
ورجعت أخري إلي بابك
بمكبر صوتٍ كي أُسمع
ووقف أمام بابك أشكو
ووقفتُ أمامك اتذلل
لعلكي يوماً تلتفتي
وأجدُ رداً أو خبزاً
وخرج احد حراسك
ليقول مجنون أو أخطل
وكذبتُ حين سألوني من سرق المسجد
فوقفتُ أمام مرآتي
أحاسبُ نفسي
فوجدتُ في مرآتي ذليلاً
سارق كاذب
فوجدتُ رجل كاد يقتُل
لكسرة خبز
ووجدتُ نفسي مقتولاً
بلا كرامة أتذلل
فأشعلتُ في نفسي النار
علها تهدي من حولي
لأي طريق للأفضل
ورأيت عيونك خلف الباب قد فُتحت
تنظر لي وانا أُشعل
ومسكت قلماً كي تكتب
عني مجنونٍِ أو أهبل
فأسفٌ مني اني يوماً سميتكي أمي
قولي عني ما شئتي
غير مجنونِ أو أهبل
أعاني أمراض نفسية
أو اني كفور متعجل
أو مأجور مندس
أو أني خائن متسلل
أو أني أبحثُ عن مجدٍ
وأنا أتألم وأنا أُشعل
لاكني أبحثُ عن عدلٍ
عن عملٍ
عن عش يأويني بزوجة
عن كلمة حق
عن صدق
عن أشياءٍ غابت عنا
أن أحيا يوماً بكرامة
كنت أبحث عن مأكل
بقلم
أنسان مصري لن ينتحر أبداً يأسف علي أخوانه ممن قُتلوا عمداً
بقلم حامد المسلمي
