في عُرف مين يا بلد
يبقي الأصيل متهان
وفي شرع مين يا بلد
يضربوا في المليان
وفي أي علم درّسوا
أن الحرامي سلطان
ولا كأنه كان يوم هنا
ولا خطي برجله حييّنا
اللي بيقتل حلمنا
واللي بيهدر دمنا
واللي بيسرق أرضنا
واللي أباح عرضنا
يا خلق للأغراب
ولما أبنك يعترض
يقولوا عليه أرهاب
ويأما ياناس يطاطي
ويبقي ياهوو كداب
أو أنه يفضل مدافع
وتبقي سنته هباب
وهو دا كان يآما حالك
لما كانوا الغادرين
بيوهموكي بالأمان
ويعذبوا في أبنك سنين
ولما أنتفض لكرامة
لحرية والتغيير
يقولوا شعب غلابه
ونديله بالتقطيير
ميفهموش الثورة
نار تهدم وتبني
متكونش انقلاب
للوصول للكرسي
فالثائر الحق
شاف الثورة تغيير
والثائر الاخواني
شافها للخطأ تبرير
ولكننا اقسمنا
علي الموت او التغيير
حامد
المسلمي (كتبت 1 ابريل 2011 واستكملت اليوم 15 فبراير 2013)
