شيّال الهموم
قلبي اللي ياما
شال الهموم
ولا عمره شكي
ولا كَل في يوم
ولا كان بيجرح
دايماً بيفرِح
قلبي اللي عاش
قلب حنون
فاكرين زمان
كُل الحاجات
ماضي جميل
مع ذكريات
وقلوب كتير
مليانه خير
عاشت في زمن
زمن المعجزات
فاكرني لما
شقيت معاكوا
أنا واللمة
بنينا وياكوا
هنا ضحكنا
وهناك بكينا
لما بنينا
بيتنا كلنا
تكونوش نسيتوا
ولا أتناسيتوا
قسيتوا ليه
عليا ليه
دا أنتو من غيري
كنتو هتبقوا أيه ؟!
أنا مش باعيرك
أنا لسه عايزك
لما تعوزيني
تلاقيني جنبك
بس أرجعيلي
وفي قلبي خيري
ياهتلاقيني
ولا ضل الحيط
كلمات
حامد المسلمي
